Alam Raja Bhajan Lyrics
उबी म्हारा साहिबा इणी सरवरिया री पेली पाल रे
काई कांकड बंदिया काई डोढा बंदिया रे हां
है स्वामी राजा कब मिलोगा रे है आलम राजा
पीली पीली हल्दी मेहंदी से भरीया दोनों हाथ रे
काई काकड़ बंधीया कांई डोढा बंधीया रे हां
है स्वामी राजा कब छुडावोगा है आलम राजा
वीजो म्हारा साहिबा इणा धोले घोड़ीले असवार रे
काई वीजो म्हारा साहिबा इणा शीतल घोड़ीले असवार रे
काई अगम सरोप्या काई पछम सरोप्या रे हां
है स्वामी राजा आ मिलो नी रे
है आलम राजा
लिखु म्हारा साहिबा कागजडा दोए ने चार रे
कोई भणीया होई तो कोई गुणीया होई तो रे हां
है स्वामी राजा बांच लेणा रे
है आलम राजा
धरीयो म्हारा साहिबा बैरागण वालों वेश रे
काई धरीयो म्हारा साहिबा जोगणिया वालों वेश रे
काई जोगण वईने बैरागण होई ने रे हां
है स्वामी राजा ढूंढ लांगा रे
है आलम राजा
बोलिया म्हारा साहिबा प्रहलाद या घर कि नार रे
काई भाव भाव मिल जो
काई जुग-जुग मिलजो रे हां
है स्वामी राजा आन मिलो नी रे
है आलम राजा
*******************************************
Alam Raja Lyrics
Alam Raja PDF
Please do not enter any span link in the comment box.